文章

目前顯示的是 四月, 2020的文章

只得一舊水作安慰獎 20200429

圖片
今日死流去Hea釣黃昏水,魚訊不多,只得一舊水作安慰獎,叫做唔使龜吧!天黑走人去食飯。




以為有好貨色,㸃知原來係大雞泡!20200427 Video

圖片

中埋D林哥、老虎、死雞泡!20200427

圖片
今日去解毒,R就中到目標魚,而我就中埋D林哥、老虎、死雞泡!唔通連個天都唔鍾意我?!看看隻釣魚錶,完全顯示冇料到,初步實測隻錶的可信性,又真係有幾分可信吧!而R中目標魚的時段,隻錶又真係有顯示有少少魚。的確又中到魚而數量又不多吧!釣到冇晒料到,走人返市區食個下午茶算了。









我部action cam的問題整好咗! 20200425

圖片
昨晚收到維修員畀電話我,話我部action cam的問題整好咗,但有個壞消息同我講,話我部cam個HDMI唔work!佢話其他同model嘅cam也有此問題,現在公司想緊辨法解決,我話唔等了,因為我都唔用HDMI個功能,最緊要部cam拍釣魚片冇問題,同埋copy到D檔案去PC度畀我剪片就得了!我話你哋現在都未想到解決辨法,我將來要用HDMI先找你整,到時你哋應該解決到吧!回到家第一時間連拍佢個零兩個鐘先啦,好彩D檔案也copy到冇error!叫做搞返掂啦。


CASIO終於出新款釣魚錶! 20200422

圖片
十幾廿年前CASIO出過釣魚錶,之後幾乎不見踪影,今日終於畀我見到佢出新款釣魚錶,個款比以前嘅薯嘜樣Sharp醒好多,作為釣魚人,梗係要買返隻戴吓啦。立即同R一人掃一隻軍綠色先,其實佢還有黑色及藍色,但最like都係軍綠色!戴上手的確幾有型!




Action Cam file 出現error! 20200421

圖片
近排我支持香港公司出的產品,用部性價比超高嘅SUPTIG Eagle 4K Ultra action cam,不過最近拍完釣魚片回家過file去電腦度久不久便出現error!check咗好耐才知係部cam拍片時製造file出問題,最慘係D file時得時唔得,我拍咗成日野回家先出事點搞呢?好彩呢間香港公司都有D責任心,部機畀用家有1年保養,好過淘寶D貨,明天我就拿去整吧。現在用返部冇防震又低級D的 SUPTIG SJ7 Legend嘅action cam 反而還穩定很多吧!不過拍出來D片就有時震到頭暈!





Olympus 機仔拍近攝亦不差!20200414

圖片
上個星期釣魚時見到通處長滿小白花,我就把它拍下來,雖然我部Olympus TG-5 個Sensor 只得1/2.33 大小,但其他設備及功能也不差,所以近攝得來的影像也很正!此照片用了 ISO-100、f/4.5、1/640s 拍下。


今日合法4人去解毒! 20200419

圖片
今日合法4人去解毒,家姐中得最多目標魚,R臨尾先發力,我就得一條沙鑽目標魚,表弟龜咗,本來我也可以中多D,但因中途偏頭痛發作,成個人死咗半節,走咗去樹陰坐到收皮為止!出到市區買咗排頭痛藥啪咗2粒,之後食咗個下午茶好返晒!今日雖然過少咗手癮,但都叫做唔使龜吧!







終於釣到目標魚 20200417

圖片
今日同R再去解毒,終於釣到目標魚,沙鑽是也。解完毒返市集,人多得很,完全不像閒日,快快去食野後走人,避咗D人群至緊要!





人流少、魚更少!20200414

圖片
今日死流去解毒,人流少咗,但連魚都少埋!




禁止所有船隻進入的海域中艇家犯法過程!20200409 Video

圖片

魚網陣中過手癮 20200409 Video

圖片

魚網陣內釣魚 20200409

圖片
今日有空檔,趁住未到假期人少D去解吓毒,今次畀D師兄早過我霸咗個靚位,只好在魚網陣內釣魚,但比想像中惡釣,2竿水未到已勾到個網,呢個犯法嘅艇家連畀條路人哋行吓都冇,真係衰到貼地!用盡我所有方法,我哋先有幾條魚過吓手癮,今日算係不幸中之大幸吧!








唔玩打粉都有好野!20200402 Video

圖片

今次畀我搏贏咗,一洗上次龜氣!20200402

圖片
好彩冇聽天文台老㸃,同R小姐去搏一搏,今次畀我哋搏贏咗,大家有魚中,一洗上次龜氣!而且毒癮解晒,舒服晒!