釣魚人.香港 | ANGLER.HK

天文台又話今日早晚有雨，中段時間有陽光，搏一舖搏輸咗，我龜來了！R唔使龜。

今日同R一齊穿紅色戰衣邪一邪佢，果然有D料到，釣到D魚都襯晒色，而且連賴尿蝦都中埋！算係幸運的一天。

在惠比壽見到有新的釣研浮標，叫做T-LANCER，它的特㸃是標尾屈得而且可以換的，加上自重高及標仔細細，收藏方便，正是我杯茶，於是帶2支回家下次試試佢先！

去咗行佐敦，經過世界見到件DAIWA 2020年平版冰絲防曬衫返咗貨，而且顏色及尺碼齊晒，梗係同R 一人掃一件啦！以前D防曬衫貴一倍，現在終於平返了。

今日啱流去解毒，去到釣場已經有2男1女在打粉，自己冇打粉唯有行遠D，開始一粒鐘冇料到，之後轉流，畀雞泡狂食我四五隻鈎，於是轉大D鈎再釣，終於開齋中條大size哨牙妹，之後再中條石狗，跟住靜晒！相信是人哋打粉緣故D魚聚埋一頭吧。見時候不早，返市區食D野算了，總結今日釣況麻麻，但都叫做有D生命跡象，以現在岸釣換季魚少的日子來說，有得過手癮算係咁啦！

今日冇出街，在家盤點相片，呢張相是用了Leica菲林自動相機拍的，地點是泰國巴東某海灘，其實當時海灘人流都多，但當時突然D人行開晒，只見1個女郎在面前，意識上我要拍照了，雖然時間短得一閃即逝，但興幸也把握到，冲晒菲林出來的效果也滿意吧！

有時冇粉打反而還易D中魚！

昨晚釣咗成晚先有一口魚訊，而且中埋鈎，開心地收咗好耐上到來一看，頂佢個肺，原來係死老坑，重要好大條嗰隻！還以為臨收竿中番條鱲魚開心吓添。雖然有人話老坑好食，但我唔like佢滑潺潺嘅衰樣，所以我都係飛返佢落海吧！

整晚就係得呢一口魚訊，大家估吓我起了什麼魚！？遲D開估。

過埋今個3月兒島玲子便正式引退，識日文嘅釣友，看看呢45分鐘訪問有D乜野講吧！

今日去買咗隻護指手套，戴上手fit晒，下次投釣唔使就住力度驚魚絲𠝹手指了！

今日冇料到，成朝得條梳籮，返到屋企先發覺賴低咗相中嘅放竿器在釣㸃！真係兇多吉少啦。又破財了！今次出唔到影片！下次努力。

今日有空去化埋D舊蟲，魚訊不多，而最不想中的海毛蟲也中到，好彩數量不多，也有D魚中吓不用龜吧！

上2個月同R在Sea Hunter買了2副sun-nus偏光黑超，除咗釣魚有用之外，在出街拍照都型仔好睇，近排更發覺它的偏光能力比我戴開的黑超更强，曾經試過用它看電腦mon，竟然全黑一遍，像熄了mon一樣，真犀利！而且原裝有布袋送之外更加有個黑超硬盒畀你吧！

今日龜來了！

早2日行佐敦惠比壽，見到好多新款釣研X系列嘅浮波賣，而且號數幾齊，不過最後我冇要1set，而是買咗00號嘅遠投X系列去試玩全游動，遲吓有空便玩玩佢，看看效果如何吧！

今日在世界找到DAIWA 1000m Sight Surf 魚絲，成個佐敦得佢哋有得賣，價錢不太貴，再扣埋我D積分，變咗7.8折，抵晒！

化埋D蟲尾唔使龜！