釣魚人.亞洲 | ANGLER.ASIA

今日用支新DAIWA投竿立即有魚開光，連起2條腳板絲鱲及一些雜魚。支竿真係老嚟。正！

自從發覺我唯一一支古董投竿有裂痕之後，帶它去解毒時也就住就住，投出又不敢咁大力，抽竿又唔可以太大力，基本上中大魚搏鬥都驚佢出事。最近都係下定決心換過支新投竿吧了！今次平平地買支DAIWA Prime SURF T25-450投竿玩玩佢，如果玩耐D中多D大野才考慮投資這玩法多少少吧！

今日回應R 昨 天偷釣被怪獸打敗後陪她去報仇，但怪獸被我嚇走了，沒出現吧。但都有D魚仔玩吓吧！

今日家庭解毒日，雖然魚訊不多，但叫做人人有魚中啦！

昨天魚仔唔開口，唯有去餐廳自己開口！

今日留在家中沒出街，坐在電腦前整理吓我咁多年來拍的照片，見到其中1張照片立即想起當時的刺激景像。 18年 前 在獨牛洲中魚拍照，亦把大陸的走私快艇入埋鏡，可想 而知當時大陸與香港的走私問題幾咁倡狂。嗰次都幾驚險吓 ，有班走私天文台上咗我哋嗰度睇水，期間在我背後望住我 釣魚，我心諗條友會唔會身上有鎗，真係好大壓力，之後他 們突然走晒上山頂大大聲講對講機，原來大陸有個反走私部 隊帶晒機鎗來捉人，山上的天文台不停大聲報告部隊位置， 而之後又聽到鎗聲，真係啲子彈唔好亂飛呀，情況非常混亂 ，搞咗 十幾 分鐘，部隊追住啲走私快艇返回去大陸，跟住啲天文 台亦乘機坐艇走人！嗰次真係歷險記。

今日我又龜來了！R又畀佢中到野，睇嚟幸運之神喜歡女性多D，雖然係咁，但總算有得畀我出外揮吓竿，疫症帶來的壓迫感也消除了很多，成個人舒服晒！

今日目標魚是泥鯭，所以冰箱就只有泥鯭！

雖然我不懂日文，但兒島玲子的引退訪問我一定會分享給大家吧，相信這裡總會有懂日文的釣友能聽得懂的！97年出道的她，那年正是我初接觸浮游磯釣的1年，可說是她在釣界與我的釣魚生涯共同成長了一段很長時間吧，她由Shimano到DAIWA再與很多釣具機構合作，我也見証住她在釣界的成績。現在她決定引退我也覺得是合適的時候，還原自由身去享受一吓吧。兒島玲子小姐，我永遠祝福您！

今日用了好久沒玩的投竿試釣新位，雖然龜來了，但也是有一個很好的經驗吧。有便於下次解毒會更熟習工具及環境！

某日又同R小姐去發掘新釣㸃，今次純是去化埋R啲舊蟲，而我不釣只做漁僮吧，雖然是Hea釣，但原來都有D驚喜！下次可以再去博吓有冇其他好野！

農曆新年後第1次解毒，但我龜來了！不過R就新LB絞開光，中條黑沙！新玩具果然老嚟D！