文章

顯示從 2020 起發佈的文章

2020年最後一日 !20211231

圖片
  今日是2020年最後一日,回望呢一年我最愛嘅鱲魚中得不多,由於我打粉的比例大約釣10次才打1次粉,以一個自然釣法嘅釣魚人來說算係有交代吧!希望來年2021年海洋生態好一㸃,自己也努力一㸃,中多一點又大又靚嘅目標魚,拍多一㸃直擊中魚嘅Video給大家看看,滿足吓自己釣魚及拍攝的興趣就Very Good了!最後祝大家來年2021年身體健康,笑口常開!

2020年27種魚類釣穫 Video

圖片
 

幾條石狗及大雞泡!20201229

圖片
  今朝大流釣魚,可能要放咗工先去,所以遲咗去打粉解毒,去到行流行咗2粒鐘就停咗,一㸃魚訊也沒有,行流時中了幾條石狗及大雞泡!未來得切引其他目標魚已經停晒流,頭尾玩咗5個幾鐘,粉都打晒,不磨爛蓆了,走人6㸃前食tea回家吧!

冬至去解毒,沙鑽釣幾碌!20201221 Video

圖片
 

都有D沙鑽玩吓 !20201221

圖片
  今早釣場吹大北風,好彩釣位背風,易釣好多,之後晏D便收風,又有陽光,十分舒服。是日死流魚訊不多,但都有D沙鑽玩吓,大家姐更釣多過十條油鱲仔,全放!

R小姐中金色林哥!20201216 Video

圖片
 

DAIWA 冰箱竿架 20201216

圖片
  昨天釣完魚再 去 佐敦世界走一轉,同R每人買咗支冰箱丫义裝落去新的DAIWA 冰箱,呢隻丫义用落非常好用同方便,最啱日常快速步兵之用!

R小姐中金色林哥!20201216

圖片
  是日大流,但比上次靜很多,只有一口魚訊像樣,可惜食唔正勾。之後不停入石,以為有斑或石狗,最後原來是隻蟹!而R中金色林哥,超靚。

出售域名 RICHRICH18.COM

  出售域名 WWW.RICHRICH18.COM  ,售價US$2,000,有意請click入  https://hk.godaddy.com/  選購!

釣研及宮之浦高自重短浮標 20201208

圖片
  近排試用釣研及宮之浦高自重短浮標,初步效果唔錯,敏感度高,拋投距離及抗風良好,認視性高,亦可以快速轉釣組浮力,而且收藏也方便,相信我會多D用此類浮標。

放假解毒,我打龜了!20201130 Video

圖片
 

我打龜了20201130

圖片
  昨天上午去解毒,一出地鐵便下毛毛雨,心諗不是咁黑仔呀!好彩去到釣㸃出返太陽。雖然呢日是大流,但係魚訊希少,我打龜了,R就中到4條魚仔玩吓,是日陽光幾猛,我又放咗工趕住出門口,唔記得搽防曬,搞到曬咗個口罩印出來,樣衰到爆,真係要學R咁美白一吓先得!

DAIWA Mini Cool S850 冰箱。 20201126

圖片
  今日去佐敦買給自己一份生日禮物,呢個DAIWA冰箱斷貨幾次,一返貨即賣晒,今日終於買到了,還要是最靚仔嘅白色,呢隻Model咁好賣都是正常,因為實在超值,三佰零蚊8.5L,又送手柄又送咩帶,重送埋食物盒同埋4隻腳,而且尺寸重新設計過,放樽裝野飲可棟企擺,慳位好多!雖然保冷度沒有真空咁强,但玩步兵大半日卓卓有餘吧。跟手梗係貼番D靚貼紙整靚佢啦!

DUEL磯釣絲性價比最高20201125

圖片
  呢隻DUEL磯釣絲係我用過咁多隻絲之中性價比最高嘅,佢係比Suspend浮多些少,但都是停留在水中央,而我最like用佢嘅白色和橙色,最正係用耐咗D舊絲仍然出絲好少彈弓絲出來,操控好好多啊!

解毒遇着東北季候風20201113

圖片
  今日放假去解毒遇着東北季候風,唯有轉場避風頭啦,風就避到喇,但連魚也避開我,全日零魚訊,悶到嘔,好彩最近買咗部Mini JBL Go3 藍牙喇叭,聽吓歌都冇咁悶,玩到3點半不磨爛蓆了,走人去食tea算了!

中大斑過石斷母線!20201116

圖片
  今朝又唔瞓覺直踩去試新釣㸃,原本釣防波堤,但太大風,尋遍各處只好轉灘釣,由於水退魚訊只得大半個鐘可釣,快快脆脆開竿釣了,初時都是中魚仔,所以由3號勾轉用了0.8鱲勾,但世事往往玩野,一勾了蟲再投出,落水下沉魚絲即拉直,中大野吧,經驗知到係斑來的,魚竿彎盡磅頂出絲,一於上實磅頂,快攪免佢入石,收到大半由放灘頭淺水處有礁石,魚絲角度太低之下過石斷母線,白白失去了唯一的機會,只好說句粗口發洩一吓吧。之後水退晒D魚收晒囗,收野走人去食tea吧!

全日得2條老連!20201102

圖片
  今朝又放工直踩去Hea釣,明明今日大流,但流水冇乜㸃郁,釣況欠佳!全日得2條老連!

閑釣魚仔,有竿絞送!20201026 Video

圖片
 

釣到成set新束束嘅竿攪上來20201026

圖片
  今晚放假,今朝又放工直踩同家姐及R去解毒,不過流水麻麻,得十條八條過手癮,反而驚喜在於釣到成set新束束嘅竿攪上來,陀地阿伯話呢set野係昨天有人飛竿落海嗰套野,畀我中到注定係給我了!雖然唔係咩貴野,但性能也不錯吧!而且縮埋很短,偷釣一流!

買返2斤小紅蝦回家製毒!20201020

圖片
  今朝落荃灣老帆補返D勾,行過街市見到有28蚊斤小紅蝦,呢D size醃蝦仁一勾一隻,玩浮游磯釣及投釣都合用,於是買返2斤回家製毒!

R中了細鱗,我斷大斑!20201019

圖片
  今朝放咗工直踩去磯釣,R中了細鱗新郵票,我就沒咁好彩了,中了條大斑上到半水kick到癈絲lock在水中央!最終斷絲收場,飲恨至極!玩到下午6時天已黑晒,走人去食晚飯。

沉底誘釣精口銀咪!20201012 Video

圖片
 

用沉底誘釣方法才上勾 20201012

圖片
  今朝返完夜班,來緊晚間放假,所以直踩陪R去解毒,雖然掛了風球,但仍然天氣晴朗,可說是天公造美。今次釣況也算可以,銀咪size不錯,但非常精口,要用沉底誘釣方法才上勾,不過拉力唔錯,有D手感!玩到黃昏魚餌化晒,執野走人去食飯了!

去咗灣仔老聯買勾20201010

圖片
  一早同R去咗灣仔老聯買勾,今次再買番上次中巨物嘅法國勾,而且size再大D,遲吓放假去造世界!