發表文章

目前顯示的是 十月, 2019的文章

出售網址 GOFISHING.HK

出售網址 GOFISHING.HK ,售價HK$30,000.,不包手續費及年費。
有意請電郵 stephenshum0001@gmail.com, 聯絡人 : Stephen Shum。

DAIWA VIP ISO 金屬手機扣20191025

圖片
最近有朋友送咗DAIWA一份紀念品畀我,是一個VIP ISO字樣的金屬手機扣來的,真係非常有意思,因為這個扣是非賣品來的,專門送給VIP ISO用家的,當然我是實用派,而VIP ISO這珍藏版魚竿,我亦未有閒錢買來收藏吧!但作為DAIWA fans未買魚竿也可擁有此紀念品,真係開心都來唔切啦!


今年第一條靚仔黃腳鱲20191028 Video

圖片

今年第一條黃腳鱲20191028

圖片
之前解毒用剩好多蟲攞返屋企,R小姐未解到毒,Lur我釣多次,於是同佢再偷釣幾粒鐘,今次向西北面釣,吹吓風凉爽D,是次魚訊多D,都可以過到手癮,而我同R都中到黃腳鱲,R重係第一次中到黃腳鱲的,給她集到新郵票,她同我講非常開心,滿足晒!而我呢條都是今年第一條黃腳,以黃腳日漸難釣到的情況下,今次中到我也感高興啊!







火㸃過手癮 20191027 Video

圖片

有D火㸃過吓手癮20191027

圖片
今朝去解毒幾粒鐘,去到釣場將近漲盡反退!拿拿淋趕住釣番兩手,釣成朝鱲魚都冇條,好彩都有D火㸃過吓手癮。唔使打龜!到了㸃零兩㸃鐘,D水已退到見底,無謂再磨爛蓆了,執野去食tea吧!



三百幾蚊DAIWA長袖羽絨外衣20191025

圖片
今日去佐敦世界又執到筍野,係一件長袖羽絨外衣,而且布料用了太空衣物技術,最重要價錢只售半價至三百幾蚊,咁平價錢可穿D高科技野,梗係要掃番件啦。




狗棍紀錄魚20191023 Video

圖片

R中得狗棍紀錄魚20191023

圖片
今日同R去偷釣幾粒鐘,呢舖全是由R表演,我只中2條老連,而R又中得多又中埋條她的狗棍紀錄魚,恭喜晒!




夜釣魚竿燈分享20191022 Video

圖片

難釣的大沙鑽、大連咪!20191021Video

圖片

死流去Hea釣幾粒鐘20191020

圖片
今日死流去Hea釣幾粒鐘,我就中魚不多,但D沙鑽、連咪都幾大條,而R小姐手氣唔錯,算係過到手癮吧!









我中唔到細鱗,但R中斑都唔錯!20191016 Video

圖片

我走大魚,R中芝麻斑!20191016

圖片
昨天黃昏至晚上諗住去造世界,睇吓有冇機會中細鱗,日落前用蟲中到D斑仔、連咪、沙鑽!但我到天黑用蝦釣,成晚得一囗大魚訊,睇往支竿由微震直至到成支竿彎晒落海,我梗係抽佢啦,但一抽再頂,頂咗唔夠3秒就甩咗口!我真係慘叫一聲,肉都赤埋,跟住一路都冇料到!反而R拖蟲重中到條上得大枱嘅芝麻斑,叫做不枉此釣啦!




第一次和最近一次與兒島玲子見面的合照20191014

圖片
得知我嘅釣魚女神"兒島玲子"在2020年3月尾引退,真係有D不捨得,事關她出道那年便是我初接觸日式浮游磯釣的時候,正所謂她在我的釣魚印記裡一同成長吧!而在香港的國際釣具展中,她差不多每2年便來香港一次,在16、18年她亦有出席,理應明年4月初釣具展她會回來的,但可惜她竟然3月尾引退!真係來港無望了!看回我多年前第一次和最近一次與她見面的合照,真的值得懷念和好好保存!




去老帆掃番幾包Owner勾20191013

圖片
今日去老帆買我用開的Owner勾,一去到大部份號數都冇晒,唔通真係多咗人識貨掃清光?!好彩店員醒目,問老細新貨到未,原來一早到咗,而且是新包裝,佢唔攞出來是想去晒D舊貨吧!有新貨我梗係掃番佢幾包啦,而且又有8折再會員97折,抵買。



Daiwa新竿入手,祈望中細鱗!20191013 Video

圖片

釣魚女神"兒島玲子"宣佈引退!20191011

圖片
我多年來的釣魚女神"兒島玲子"昨天在她的FB專頁宣佈,明年3月將會引退!我衷心祝願她的人生有另一個美好的開始。以下是她的發文用Google翻譯過來給大家看看!



小三元目標魚中晒!鱲魚、沙鑽、連咪!20191010 Video

圖片

目標魚我同R都中晒20191010

圖片
今日偷釣幾粒鐘,目標魚不是細鱗。是日釣況唔錯,目標魚我同R都中晒,鱲魚、連咪、沙鑽齊晒,滿足的一個上午!












買了一個特價絞(DAIWA AGGREST LT 5000D-CXH) 20191008

圖片
今日除了入咗支小繼3號萬能竿之外,也買了一個特價絞,DAIWA AGGREST LT 5000D-CXH,好處是重量輕拉力大,而且新技術也不少,雖然不是新Model,但對我來講已很夠用了,我看過呢個絞嘅spec.同支竿嘅spec.十分夾,祈望遲D去造世界時有好成績啦!



SUPTIG SJ7 Legend嘅action cam用後感20191008

圖片
R小姐送咗呢個SUPTIG SJ7 Legend嘅action cam畀我差不多3個星期了。我也在釣魚時很勤力地使用,現在可以作出此機的用後感了,呢部機畀我第一感覺是錄出來的影像顏色十分鮮豔,而且銳利度很强,這是多得它用了Sony嘅感光系統了。第二是此機耐熱程度很高,在猛烈陽光照射下,全機滾熱辣也運作正常。第三是不停錄影所制出來的影像沒有一㸃Noise或亂碼畫面。第四是直到現在仍未錄到風聲。以上都是我發現的優㸃。而不足之處是此機收音很弱,原聲播放是很弱的,好彩我用PREMIERE PRO推返大聲的效果也不錯。其次是此機沒有防震,這是有㸃可惜!但總括來講此機的好處是多於壞處,因此我給它75分啦。



近排都係玩釣魚仔!20191004 Video

圖片

偷釣幾粒鐘20191004

圖片
偷釣幾粒鐘,沒大期望,過吓手癮吧!





家姐都有十幾條沙鑽及連咪帶回家20190929

圖片
前兩天4個人去解毒,去到釣場剛好漲盡,其實水流時間不太理想,應該漲緊時就要釣,但各人來自大江南北,未能趕到咁早釣,所以去到我叫大家把握時機釣番兩手,當真頭1粒鐘魚訊還好,之後想找條魚啄吓都難,所以趕住釣魚連相都冇乜㸃影,由於呢日係大漲大退,唔使3粒鐘已退到見底,咁嘅環境梗係收野出返市區雪冷氣兼食tea啦!好彩家姐都有十幾條沙鑽及連咪帶回家給家人享用。算係唔錯啦!