中秋節翌日去Hea釣3粒鐘 20190914
今日中秋節翌日，又去Hea釣3粒鐘，是日魚訊極少，中得幾囗魚，當地居民釣友話我知，我中大魚之後兩日都有人中大魚，但之後嗰水魚走咗，今日靜晒了！
黃衣傳奇20151122
今日手㾗忍唔住走咗去磯釣，雖然天氣還未冷，但有釣未為龜，釣咗先講。今次早上先吹北風，後轉東風，大湧，魚仔超多，化餌驚人，表弟最先中條雞魚，R小姐還在學習釣魚中，未見中大魚，但都有中魚，我在中場大湧下竿，魚餌在魚仔圍攻下突圍落到釣棚，補多幾吓粉引開魚仔群注意力，心諗整條大D嘅魚咬吓啦，口餌唔頂得幾耐架咋，再補粉期間突然飛波拉竿，支打餌羹放都放唔切，立即起手抽竿頂位先，由於水底佈滿暗礁，我一手都唔放，就算可能斷絲都要硬頂到底，否則落底也過石斷線，最後好彩條絲頂得順，中番條黄衣做獎品，總算好彩唔使龜，全日魚穫有大石狗、石剎、沙鱲、雞魚及黃衣。
留言
張貼留言