發表文章

目前顯示的是 八月, 2019的文章

買隻魚形鐵板下次試吓先20190831

圖片
上個月同R去飛假餌,發覺D假餌唔夠重,飛得唔夠遠,加上大風更加難飛,今日在世界見到有隻魚形鐵板幾啱用,於是買隻下次去試吓先。



打風前釣番轉20190828

圖片
兩個幾星期冇同R釣魚,今日好天立即釣番轉啦。是日流水好快,魚訊較少,在水位退盡前起了幾囗魚,叫做不用打龜吧!





R小姐係巨鑽殺手20190822

圖片
上星期我唔得閒陪R小姐,於是佢自己去偷釣,但釣咗一陣間就落大雨,冇得繼續釣!雖然如此,佢就在這少少時間又畀佢起了幾口魚,繼不久前中了條25cm沙鑽後,今次又中條24cm沙鑽,真係要封佢做巨鑽殺手了!



九龍寨城公園拍攝設定20190816

圖片
雖然自己喜歡揸住相機去攝影,但有時候也想成為被攝嗰個,同R拍照嘅同時,梗係教識埋佢影相,咁我先有機會出鏡做番個留念嘛。今次給部新相機R同我影,雖然有甩漏,但總算合格過關啦,遲吓同佢去影多幾次,應該好快上手,呢2張相有拍攝敍述分享,看看我同R的拍攝設定吧!




九龍寨城公園20190816

圖片
今次去咗九龍寨城公園試Sony A6400無反相機,配上E PZ18-105mm F4 G鏡,人像對焦快而準,各樣性能超班,唯獨是機身有㸃熱,可能因為相機運算速度提升了很多,以致夏天拍攝時散熱較難,但好彩機身温度仍可接受。








E PZ 16-50mm OSS鏡頭20190813

圖片
今晚同R出街食飯,帶了新相機A6400及E PZ 16-50mm OSS鏡頭拍生活照,很多龍友話呢支16-50mm鏡頭質素唔好,但我又唔係咁睇,我覺得呢支鏡頭簡直平靚正,無論價錢、size、影像及方便程度都交到功課,很多新手扮高手就人云亦云去彈這支鏡,唔知係咪因為彈得多,搞到呢支正價賣2、3千嘅鏡頭,現在我用八百幾蚊就買到行貨,有時真係多人負評反而益咗我呢D用家,大家可以看看相中人的銳利度,特別1張R的眼睛及頭髮嘅質素是十分好的!



彩色冰箱貼紙20190813

圖片
今晚行佐敦見到有D彩色貼紙幾靚,買咗返屋企幫個DAIWA冰箱扮靚靚先!




試相機鏡頭20190813

圖片
Sony A6400 ,Sigma 30mm F1.4 DC DN,ISO 125-200,f/1.4,1/50s。





解毒留低咗支竿在巴士站頭20190811

圖片
今日4人去解毒,巴士臨開前剛剛到齊人,趕上巴士時我留低咗支竿在站頭,去到目的地才發覺冇帶,立即致電返總站求助。好彩有好心人交了支竿給站長,站長叫我即日去攞返就OK!我話黃昏來攞,夾好時間便收線準備去做漁童看人釣魚,好彩R都有借佢支竿畀我釣返兩手,起了3條魚。到了中午水退盡,沒有魚訊,磨到3㸃走人返市區食tea,跟着去巴士總站攞返支竿,我在此祝福那個好心人身體健康、永遠幸福快樂!





DAIWA小繼2-390 - 20190807

圖片
今晚幫家姐買支小磯竿畀佢玩,我揀咗支DAIWA小繼2-390給她打沉底,買呢支竿給她是因為我同R都用緊佢嘅第一代,覺得支竿嘅性能物超所值,手感非常好,竿腰又有力,而且新的第二代重加咗MEGATOP功能,更加抵用,今次去咗魚濃社買,價錢$632,比其他舖頭平多幾十蚊,計番條數重平過我買第一代。今個週日就帶給家姐試吓支新竿吧!





室內試拍植物20190806

圖片
在室內試拍植物,以自然光拍下頭兩張,雖然曝光正常,但色彩明顯沒有咁突出!不過加了閃燈補光拍下尾兩張,情況完全改變,顏色鮮豔很多了,只是氣氛沒單用自然光咁好。所以這時如有反光板用的話,這是更好的組合吧!





佐敦世界有DAIWA磯鞋清貨平到笑! 20190802

圖片
今晚行佐敦世界又畀我執到平野,有2019 catalog show 出的DAIWA磯鞋清貨,6百幾蚊減到4百幾蚊,咁啱呢隻款係我like咗好耐的,只是自己有另一對無謂花6舊幾水買多對吧,但今次真係平到笑,一於買咗佢!