發表文章

目前顯示的是 七月, 2019的文章

釣魚遇見七色彩虹20190730 Video

圖片
釣完一晚通宵魚,天亮下大雨,之後出了一道七色彩虹,成個人充滿希望!

昨晚同R釣通頂20190730

圖片
昨晚同R釣通頂,成晚吹大風,好彩夜晚只下了2陣短命雨,但天光就大雨很多了,全晚魚訊不多,用了生蝦釣,R中牙㸃,我中火㸃,另加一些雜魚,到了天光水又漲,但反而全無魚訊,下着大雨來釣,一㸃反應也沒有,好彩停雨有道彩虹欣賞吓,咁都冇咁悶,玩到8:30收野去吃早餐及回府了!






R小姐又中斑,我就狂中沙鑽!20190728

圖片
今日同家姐、表弟及R小姐去解毒,搭車途中下大雨,好彩去到釣㸃停雨,快快脆開竿釣返轉先,今次釣況都唔錯,D沙鑽回歸了,近期最lucky係R,幾日前先中兩條斑,今日又中一條,真係旺到你唔信,我就狂中沙鑽,釣到中午轉流,魚影都冇晒,見到個天勁黑,暴雨快要殺到來,拿拿淋收野走人啦,不久真係殺到來,好彩收得快,搭車出返市區又變番藍天白雲,全日天公造美,時間啱啱好吧!








好榮幸國際攝影大師Michael Freeman都like我影D相呀!

圖片
竟然連國際攝影大師Michael Freeman都like我影D相呀! 好榮幸,超開心呀!


海鳥伴釣魚Video

圖片

一帆風順突然變得Hi-Tech 20190726

圖片
今日同老帆嘅寫字樓通過電話,我問佢個會員證搞咁耐重未得嘅?幾時有得攞呀?佢話IT同事放咗工,下星期一立即同我搞,佢話個證係冇實體card的,是以手機show出來便有折,所以佢哋會email畀我。嘩,我聽到都打個突,一間咁古色古香嘅舖頭,突然會咁hi-tech,真係估佢唔到,即管睇吓下週一佢email啲乜野畀我先!


今晚同R釣黃昏水20190725

圖片
今晚同R釣黃昏水,去到沒幾耐都有D魚中吓,但入黑諗住會重正,㸃知錯晒,完全冇魚訊,死海一様!之後見時候唔早便走人去食野兼回家吧!





萬里機構出版 - 天天吃海魚20190724

圖片
話說R小姐又賣甩我走咗去偷釣,又畀佢起咗2條芝麻斑,重喺我面前威風八面添,咁我當然冇咁小氣玩嬲嬲啦。佢問我可以㸃整來食,條斑1斤之內梗係蒸來食啦!夠嫩吖嘛!其實我並非食家,但我都有睇吓D烹調海鮮的書籍,update吓同魚有關的知識吧,我就最like呢本萬里機構出版的一本書,名叫"天天吃海魚",它的內容專教人煮香港常見的海魚,最啱我哋釣魚人口味啦,釣到魚學煮番兩味,有得玩有得食,一樂也吧!






我想中條火㸃就變咗哨牙妹!20190722 Video

圖片
不停被細咀魚化餌,R就有火㸃中,我想中條火㸃就變咗哨牙妹!



表弟中黑沙,R中火㸃,我中哨牙妹!20190722

圖片
今次同R及表弟去解毒,表弟打粉,我同R齋釣,是次釣水漲,操作上好釣好多,表弟中2條黑沙,而R中條火㸃同D雜魚,我就最弱只中哨牙妹,因我不肯換細勾,被老泥瘋狂化餌,我都想中火㸃架嘛,硬係冇我份,冇計!今次冇落雨,所以有拍片,連拍3、4個鐘,唯一中哨牙妹條片得唔夠1分鐘,你話幾珍貴呢!遲D post畀大家看看吧。






下次試釣HARIMITSU 嘅勾20190720

圖片
今朝經歷過用K牌魚勾次次抽竿次次走魚後,回家決定掉晒佢,本來我有D 超正嘅Owner 三角追魂勾存貨的,但呢D靚勾我通常去造世界先用,平時解毒我會揾D正得來冇咁貴嘅勾去釣,原本用釣具工房的勾都唔錯,但現在都唔見有得賣,最近在新華找到隻made in 老蓆嘅勾,牌子叫HARIMITSU,正好用來試試釣,看看能否代替佢,希望下次試釣唔好令我失望啦!





話過以後唔買K牌魚勾20190720

圖片
今朝一早同R去解毒,R煲咗個竹笙雞絲粟米羹畀我做早餐,非常美味,多謝晒!去到時就下着雨,等到停雨再去釣㸃吧!到了開竿,流水漲緊,把握時機用心釣一番,不久R已中了幾條,但我仍然苦戰中,明明不下數次魚訊清晰地把我魚竿拉下去,但每次抽竿都走魚,之後發覺問題在我D新勾度,我穿蟲時魚勾穿極都穿不入,D勾意想不到咁鈍,唔怪得抽極竿都中唔到魚啦?!話過以後唔買呢隻K牌魚勾。之後換了其他牌子但細一號的勾,立即中番幾條沙鱲頂吓癮,舒服晒!玩到12㸃左右大雨殺到來,而且重係咁行雷,就算心口有個勇字都要避之則吉,唯有提早走去茶餐廳食個Lunch,然後歸家去了!





熱愛磯竿打沉底釣沙鑽20190719

圖片
除了浮游磯釣外,我同R都熱愛磯竿打沉底,喜歡直接感受魚兒從魚絲魚竿傳來的感應,這是令人享往的事情,因此鱲魚、連米及沙鑽是我們的主要目標魚,而食餌最爽快要算是沙鑽了,雖然牠有時也有試餌的行為出現,但可以說是最有衣食的其中一種魚,你把一條青蟲放下去,牠必定同你食晒成條蟲才收口,這樣對釣魚人來説牠中勾的機會大大增加了,真係望都係咁望啦。而且最正就是牠的衝力十足,超過20cm size的衝力簡直是令人上癮!上次我中的24cm size 已令我回味無窮,今次R中條25cm size 她直情毒癮進一步加深,明天就要我陪她去解毒了!哈哈!


Leica 相機嘅打龜魔咒 20190719

圖片
這張相在2001年7月去西貢磯釣時用咗Leica mini II 自動菲林相機拍攝,拍完呢張相後全日龜晒,又一次應驗咗我部Leica嘅打龜魔咒!唯一安慰就是拍得一張靚相吧。



一帆風順終於可免費登記做會員買野有折上折20190718

圖片
一帆風順呢間幾十年老舖,終於識與時並進,整咗個新網頁做網購,同埋可免費登記做會員,去買野如本身有折再可以97折來個折上折,雖然唔係好多,但少數怕長計,因此做個會員冇蝕底吧!但現時佢哋一帆幾兄弟各有分工,我嘗試致電問老帆D會員card㸃樣攞到我手,他也唔清楚,要找負責那個兄弟先知!雖然係咁,我都知他們冇IT底係進度慢架喇,但我也登記咗先,我叫佢哋幾兄弟搞掂就通知我吧!



DAIWA Rainmax Hyper磯釣套裝 20190717

圖片
近排雖然keep住做運動,但比起早排最輕的時候都重咗幾磅,始終天時大熱出街食野都會叫D凍飲,難免吸收多少糖份而肥返D,唯有加大運動量吧。但我之前最fit的時候同R在Sea Hunter買了一人一套DAIWA Rainmax Hyper磯釣套裝還未開光,好怕身形有變而穿不落套衫褲,立即拿出來試吓先啦,好彩仍有鬆動,咁都安樂D!曾經超重過的我,現在對身形體重好敏感吧,用咗成大半年減磅,特别知到肥的時候的苦况,不想論論盡盡在礁石上釣魚吧!



測試插尿袋錄影時間20190717

圖片
一直都冇測試過我d DC仔能否直接用尿袋開機,發覺Olympus四防相機做不到,不是因為它防水而限制了,而是它的插頭插入後要揀功能才可啓動,限制了直插即攞電,即係冇得直接用尿袋!反而部Sony DC我收起粒電池,但尿袋一插立即OK,可惜測試錄影時間是20分鐘便自動停機,拍釣魚片就玩死!反而我部cheap 野"SooCoo 山狗"action cam 重可以無限時間錄影,只要有電同有記憶容量,就一路不停拍下去,曾經被我大駡的"SooCoo 山狗"action cam 電池是廢物,雖然現在都沒變,但它另有之前說過的優㸃,所以成為我拍釣魚片的首選了。



SanDisk 128GB micro SD Card 20190716

圖片
近排SD Card價錢落咗好多,於是我走去老深電腦埸𥄫吓,見到D 高速micro SD Card 128GB都唔使兩舊,係時候Upgrade吓我D相機D記憶card了,我部Olympus 四防相機可拍4K片,但就得嗰32GB SD card,其實都忍咗好耐架喇,今次一於換張128GB玩吓吧!放入相機看看,顯示可拍2小時42分4K片,講真都唔拍得好耐吧,如果好似我之前拍釣魚片咁用action cam連拍幾粒鐘等中魚,要用4K拍真係多多記憶都同你殺晒,不過我呢部Olympus 四防相機唔會咁拍法啦,所以每次計都夠用吧!




R小姐有D開心說話想同大家分享!20190714 Video

圖片

今日同R釣黃昏水20190714 Video

圖片

蔡司T*鏡的威力20190714

圖片
呢張相在塔門用了Sony DSC-HX90V DC仔拍攝,用了ISO-80,f3.5,1/200s,多得有蔡司T*鏡的威力,2人的眉毛髮絲全部清晰顯現出來,記憶中是沒加閃燈拍這背向太陽的影像,但仍然捕光正常,而且顏色鮮豔,真的要讚揚吓此相機!


明天陪R釣個黄昏水20190713

圖片
R要求我明天陪她去釣魚,雖然天氣炎熱,但我都答應了她吧!一於同佢釣個黄昏水啦。今次唔用銀狼,用番支經典飛竜千又竿邪一邪佢先,順便帶D拍片器材去拍吓片玩吓。


往南蓮園池試用Sony 28-105mm G鏡20190712

圖片
難得今朝好天有陽光,咁就用支Sony 18-105mm F4 G鏡去試影吓園林風景,看看效果如何,初步拍攝影像感覺良好,對焦快靜而準確,照片在沒有後期製作及加味精的情況吓,色彩也十分理想,特別是散景很好吧!