發表文章

目前顯示的是 六月, 2019的文章

幾個月冇去西貢解毒20190630

圖片
今日一早去解毒,朝早6㸃個天佈滿黑雲,真有㸃担心,但半個鐘後竟然光返,重有藍天白雲,立即放心晒。今次釣況麻麻,但叫做有D魚仔釣吓,我同R加埋只中十零條,釣到2㸃水退晒又沒有魚訊,執野返市區食tea吧!原本郊區出猛大陽,但返到市區就打石湖,直情兩個世界,好彩入咗地鐵,下雨也不關我事了,回到家又要大清洗D工具,洗埋衫就可以hea吓了!








帶佢釣魚必定打龜嘅 Leica mini II 自動菲林相機!20190627 Video

圖片

新買的DAIWA IMPULT H-LBD絞出關20190627

圖片
有留意我嘅post嘅釣友都大概知到,我除了玩浮游磯釣,也成日玩打沉底吧,所以我用LB鉸去玩浮游磯釣之餘亦會用來玩打沉底,最近我用咗很多年個DAIWA Triso 2500 HLBD 鉸可能開始老化,因為我用它去沉底誘釣的過程中,我是要作輕微而連續慢收的動作,尤其有魚訊的時候動作要更加精細,但現在個鉸就係頂住頂住唔去咁,一係就要大力搞佢一野先起動到,不過這會把魚餌突然加速,精囗魚走硬,這種斷斷續續kick吓kick吓的問題影響都幾大,我也常常幫個鉸加油,但到釣的時候,玩半個鐘又kick吓kick吓,這個問題以前都冇發生,所以呢個鉸只好留返去玩浮游磯釣吧了!係時轉用我個新鉸DAIWA IMPULT 2500H-LBD,呢個鉸上年以正價7折買到,現在價錢冇得平了,覺得買得及時吧!



DAIWA迷彩行街袋20190625

圖片
今晚同R食生日飯之前去咗行釣具店,當中行過世界見到有個DAIWA迷彩行街袋幾靚,而我哋不巧都好like DAIWA 嘛,於是我哋就買咗2個1人1個。用來平時出街都幾OK 架!



同R小姐興祝生日20190625

圖片
今晚同R去老銅金泰子新開嘅分店食飯,7㸃去到一個客都冇,我哋2個人包場一樣,心諗唔通呢度D野好難食?!所以冇人食?我哋叫咗個2人套餐,一來是兜湯先,size幾大,4人都夠飲,而且湯中D料好多,食埋都飽咗3成,跟住有蝦醬通菜,再來一碟海南雞,2個大白飯,再加2個甜品,另外叫咗2杯特飲,其實呢個套餐嘅份量,真係3個大人都食到飽,最重要D野食幾好食,真係唔知係咪新開張冇宣傳,搞到拍烏蠅!但我畀分有7.5分吧!




中條沙鱲食吓20190623

圖片
今日同R及家姐去解毒,一早乘早船去釣,但大家姐唔知醒,搭遲一班船入來,咁就賴野,我同三家姐及R人人有魚中,大家姐來到已靜晒,十二㸃之後又轉流,我又走位去了第度釣,又畀我中返條沙鱲,另外當然我又狂中老虎啦!釣到一兩點冇晒魚餌,執野去食Lunch吧。









我同R影的相她非常滿意20190621

圖片
今日畀咗昨天我同R影的相給R,她非常滿意,我也很高興吧!至於有我的相,只要是R拍我便喜歡吧。




初試 Sony 18-105mm F4 G鏡 20190620

圖片
今日下午4㸃零鐘同R去影相試吓支新鏡,效果的確唔錯,只是拍攝時仍然很熱,拿着大腳架,背着相機袋,手持F4大鏡頭加無反相機連高身閃燈,大汗得我穿白衫也透㸃了,令到拍攝心情也有㸃急躁,快快脆拍完去雪冷氣吧了!


























日本Lure船釣 Video

圖片
有釣友留言套片太長,看到眼瞓都未入題,今日我就cut 啲中魚搏鬥重㸃給大家看啦!強調這條片沒有侵權,因為廣告費是給了版權人的,大家可放心!



同R去釣水退流,晨早已曬死狗!20190615

圖片
今朝一早同R去釣水退流,晨早已曬死狗了。趕及起流作釣,是日魚訊不多,但都有D魚玩吓,不過最唔鍾意嘅老虎就係咁中,重要入埋扣添,鈎都蝕埋畀佢!玩咗3粒鐘,有魚嘅流水已過,亦再冇魚訊,魚餌也用咗大半,執野返市區食飯了。









購入Sony 18-105mm F4 G鏡20190610

圖片
話說早年我用了Sony APS-C無反相機,之後買了支Sony 18-200mm天涯鏡,諗住岀外郊遊一支過冇煩惱,原本影像質素都唔錯,但用落發覺只是日光影就OK,天黑或室內暗光時就很難對焦,成日拉風琴!雖然機身也有因素,但我部A6000無反應該不會對焦咁渣吧,而問題落返在支鏡頭度了,看過別人的經驗留言,也有我如此的經歷,的確這一千零一支Sony APS-C天涯鏡是多年前的設計,一直也未有出新鏡改良,因此我決定買過一支Sony 18-105mm F4 的G鏡來用,這支鏡雖然不及18-200mm天涯鏡咁大焦距,但其性能及質素完全在那天涯鏡之上,最重要是我用它拍攝時,拉風琴的問題少了很多,初步試拍,影像色澤及銳利度也不錯,散景也很好,這樣令我不再為了用天涯鏡而忍受它的缺點了,焦距短一點也願意吧!今次找這支APS-C G鏡也找得很辛苦,周圍也說冇貨,好彩在旺角四寶視聽仍然有行貨賣,而且售價很吸引,所以一於找他們留貨了。






美麗嘅日落20190608

圖片
今晚龜來了!唯一得著便是同R小姐看一個美麗嘅日落。




大家姐攞住支魚竿找我求救20190608

圖片
昨天大家姐攞住支魚竿找我求救,原來支竿在無理頭的情況下炸咗竿頭,於是我去咗"老帆"配返個FUJI"街"畀佢,盛惠60大元,不過個"街"都係靚野,咁就算啦,回家用咗不用5分鐘就搞掂,靚仔晒,家姐立即問我幾時去解毒,我話今日去拖假餌,唔啱妳玩,可能要隔個星期先得了,因天文台話下星期成週都狂風暴雨!大鑊了!



DAIWA蒙面超人防曬頸巾20190607

圖片
近排一係唔好天,但一好天就曬死狗,所以想買件蒙面超人防曬頸巾,但行過很多間釣具舖只有D貴嘢,最平係Shimano的也接近2舊,好彩今日行老銅世界見到DAIWA有貨返,而且賣百五蚊,店員話要買就快,D貨返咗一兩日,每隻色得一件,佢話日本嗰邊都唔夠賣,所以係得咁少貨,我見咁抵又啱心水,都唔使諗咁耐掃番件先啦,回家試戴都幾涼爽幾舒服,沒有買錯吧。