2019年3月31日 星期日

我同表弟龜到直20190331

難得放一日假,今早同R及表弟去打粉解毒,但一早就掛起强烈季候風,中午還下大雨,最大鑊係有四五隻滑水快艇在出面片來片去,全日只有R中條老泥,我同表弟就龜到直!




2019年3月30日 星期六

TEAM DAIWA-X假餌竿20190330

今日下午收工同R行老銅世界,諗住就嚟夏天,D迴游魚及掠食性嘅魚就嚟浦頭,買返支岸釣假餌竿去造世界,咁啱見到支TEAM DAIWA-X半價發價,而且個Spec.又啱我哋,於是掃了兩支同R一人一支。今個夏季R又有嘢學習了!





2019年3月24日 星期日

全日龜晒!20190324

同R去解毒,又是風雨的一天,好彩釣了不久便停雨,本來希望中條目標魚,但釣況極差,只有R中條林哥,我就全日龜晒!






SEIKO機械自動潛水錶20190324

我隻舊SEIKO機械自動錶由於冇保用証,所以冇保養維修!今日走咗去深水埗老錶舖華生錶行買返隻錶,佢哋專賣SEIKO行貨,而且價錢比正價平好多,好過嗰間死人乜乜CHAIN,就係上次賣錶畀我話冇保用証,佢話連同隻錶帶張單畀佢就可以整,多年後結果梗係唔得啦,最衰格係個售貨員連張單都冇打公司印同簽名,真仆街!
今次去華生錶行完全兩回事,又抵又專業,我揀咗隻機械自動潛水錶,老闆只收正價七五折,比我預算還平很多,試上手時老闆話我知,原來呢隻錶係SEIKO同全球最大專業潛水教練協會PADI合作搞的紀念特別版,所以老錶舖係有辦法。




2019年3月23日 星期六

釣研浮波20190323

今日下午逛荃灣研釣舍,發覺佢D擺設又重新執過,好行好多,見到有隻用開的釣研浮波有M碼賣,價錢又唔貴,而呢隻size我又最like,於是掃佢幾粒備貨,留返下星期試試佢先。


2019年3月17日 星期日

Daiwa磯釣套裝20190317

今日同R行佐敦sea hunter,見到有套Daiwa磯釣套裝又平又正,而且尺碼有S碼,R都啱身著得到,老闆又畀我地穿晒上身試,我唔試都唔知我竟然M碼都fit我,因我平時穿L或XL碼的,真係好彩有得試穿,而我like呢套磯釣套裝是因為佢用RAINMAX HYPER,比一般RAINMAX防水更强,另外是件衫左右有拉鏈能扣實件救生衣,不用扣褲浪帶,舒適很多,而且條褲是有吊帶的,褲袋有重野都唔使甩褲,於是我同R每人要一套,老闆見我哋買兩套,便以正價打個77折畀我,真係好人屎。



2019年3月16日 星期六

找到個狗竇20190316

今日遲咗收工,要R久等真係過意唔去。收工拿拿淋跑回家攞武器同R去解毒,去到釣場都4㸃了,立即開竿作釣,但時間不早,流水已過,一竿水以外全無魚訊,唯有專攻埋岸石狗,好彩又畀我找到個狗竇,用0號竿都有D手感,叫做唔使龜吧!




2019年3月14日 星期四

Gamakatsu四季長褲20190314

今晚早收工,約埋R及表弟行佐敦,在漁家見到條Gamakatsu四季長褲幾好睇又幾抵,$9800日元只賣港元$320,而且還有很多size揀,於是3個人每人掃一條,各自都找到自己size,皆大歡喜。




2019年3月10日 星期日

買返支0號銀狼20190310

灣仔"老聯"話平版銀狼第一手貨已返咗,畀咗個靚價我,我梗係買返支0號玩吓啦!


2019年3月9日 星期六

在"老淘"買控魚鉗20190309

近日在"老淘"買了2把控魚鉗,今日收到貨,初步感覺幾實淨,用了個十幾廿磅嘅啞鈴試鉗,發覺完全冇問題,最緊要係個價錢只是幾十蚊把,同街買幾百蚊把相差十倍以上價錢,你話我有乜辦法唔揀老淘吖!



2019年3月2日 星期六

我第一頂通頂帽20190302

今日下午去咗海磯舍行返轉,見到有隻GAMA帽減價,個款又幾吸引,於是同R一人要一頂,這是我第一頂通頂帽吧!