2019年2月23日 星期六

Sony DSC-HX90V -20190223

呢部Sony DSC-HX90V 24mm-720mm 30倍變焦DC機,用到現在差不多4年了,仍然操作正常,而跟機送的兩粒原裝電亦未有老化現像,真係com用,而我最like呢部相機係有(ZEISS)蔡司嘅(T*)鏡,我要强調係蔡司未必靚鏡,係要有蔡司嘅(T*)鏡先至係好野,我用呢部相機冇set柔膚效果的時候,影像sharp到冇野講,D毛孔、黑頭及鼻毛,完全走唔甩現晒出來,所以如果影其他野是幾咁正呢!但有樣野曾經令我對他扣分,就是它的外殼同一個位爆了2次,真係有㸃不完美。但最近得知表妹早些年也買了一部同我一樣的,佢從來也冇爆機殼,因此我唯有說自己不好彩吧。現在對Sony呢部DC的性價比仍然保持很高分呢!



2019年2月20日 星期三

狂中油立仔20190220

今日一早又同R去解毒,諗住趕及水漲嗰個流,不過今次我狂中油立仔,雖然人哋話好食,但我都係對牠沒有興趣,全部放生。而R又畀佢中番條黑沙鱲,又給她威威了!釣到中午轉流,魚影都冇條,於是收埋D釣具後即場享用R煲畀我飲的首烏杞子煲雞,多謝R!





2019年2月18日 星期一

加多幾條鳳凰魚20190218 Video

今日再去金魚街買魚缸燈及加多幾條鳳凰魚,見到牠們都落水後非常自在,咁就放心晒,開埋個燈簡直冇得彈。



2019年2月17日 星期日

揀咗2條小鳳凰返家20190217 Video

今日想為自己間房搞D生氣,所以去咗金魚街平平地買咗個9寸水晶魚缸及濾水器,再揀咗2條小鳳凰返家,初步魚兒生猛没問題,成缸魚十分靚仔,過多一晚冇事便OK晒了!之後會再買多個小型LED燈做照明,咁就good晒!而暖管等下個冬天先算吧。



2019年2月16日 星期六

成日我只中條梳籮20190216

今日解毒同R玩打粉,但係發覺一個現像,就係夏天未到,已經成海魚仔,打幾多粉落海都係被牠們吸晒或化晒,的餌完全遠近都落唔到底,玩咗成日我只中條梳籮,基本上我同R都打龜吧!




2019年2月11日 星期一

大知昭00浮波20190211

今晚去海磯舍行一轉,見到L碼嘅大知昭00浮波有貨,但只得3粒,我立即掃埋佢,真係L碼成日冇貨,有買要趁手了。


2019年2月10日 星期日

R一洗龜氣20190210

今朝同R及表弟去hea釣半天,但一早就落住雨粉粉,搞到件褸都濕晒,好彩玩咗一粒鐘左右便停雨,今次我同表弟都龜咗,但R就獨起兩條黑沙鱲,叫做一洗上次打龜的龜氣吧!




2019年2月9日 星期六

丸九釣餌與大口鱸魚筆座20190209

今日去世界見到D即開即用嘅丸九釣餌,佢話適合鱲魚同黑毛用的,而且唔使放入雪櫃,用唔晒可留返下次繼續用,我最喜歡試新野,就買盒玩吓啦。叧外又見到個好精緻嘅大口鱸魚筆座,我同R一人買一個,呢款最後兩個畀我哋掃埋了。



2019年2月7日 星期四

去釣賀年魚20190207

今日同R及我兩位家姐去釣賀年魚,大家姐識識哋釣,另外三家姐可以話是生手一名,今次拿了上次同R用剩那幾兩蟲去釣,呢次都預咗難釣,初時頭一粒鐘全部人冇料到,之後大家姐先中一條連咪,諗住大家姐咁難中都有魚中,已經非常好,㸃知完全唔識釣嘅三家姐,全冇理會支魚竿去了影相,竟然被條魚拉跌支竿,之後拿返起支竿就吹雞幫手,兩個家姐就搞掂咗起咗條魚上來,而且是大大哋嘅絲鱲來,之後我也中返條連咪,而R只中了幾條老虎,總括來講今日釣況咁差,也算是人人有魚中,叫做都玩得開心吧!希望第時釣況好D再釣過啦!






係咁釣老虎魚20190207 VIdeo


2019年2月3日 星期日

終於輪到我有魚中20190203

今日去hea釣半天,今次輪到我有魚中,R就龜咗,是日魚訊不多,不過除了魚之外也有八爪魚,起初中條八爪魚時好似勾石,魚竿及絲梗晒,諗住上實磅頂拉斷絲吧了,㸃知一拉又鬆咗,攪佢返來又拖住野,上到水面原來是罐頭,好重地拉埋來想解勾,㸃知罐內原來有隻大八爪魚,同佢周旋咗好耐終於搞到佢出來了,一於帶佢返去煲湯吧!