釣魚人.香港 | ANGLER.HK

今日終於得閒去解毒了，但可能我太耐冇釣，釣魚人嘅氣場減弱了，所以龜咗，得R中到魚，唯一補償就係R整咗份花膠瑤柱炆冬菇會豆苗畀我做早餐。感謝R！

今日下午同R行海磯舍，買咗粒kizakura嘅00號浮波，留返過年放假去試吓佢先！

本來天文台話今日有雨，㸃知實情就鬼死咁好天，於是立即約R小姐去影相試新鏡頭，影完回家過電腦睇相後十分滿意，的確冇買錯支鏡，出埋post給朋友欣賞後又到我温習嘅時候，今晚有排都唔使瞓！祝我温習順利吧！

數數手指都有七至八年沒見過中文翻譯的日本釣魚教科書出版了，很好彩R小姐幫我在世界買到一本由下野正希著作的釣魚教科書，真係開心。雖然現今是數碼年代，人人都可以在網上找知識學釣魚，但通常都是沒有系統地學習，而書本我認為有系統得多了，再者我個人喜歡收藏有用的實體書籍，所以今次難得出呢本書，我當然不放過機會啦！

上天真係對我不薄，今朝出發去解毒時曾說cheap cheap地也希望中返條魚毛不用打龜，㸃知今日真係只中魚毛！既然上天咁𡃶我，我發誓下次要同上天講我要中大魚！

自製冰箱儲物兜

今日同R元旦解毒幾粒鐘，沒有特別揀避風位釣，所以都有寒風吹住來釣，不過我哋穿夠衫及R煲咗D熱騰騰的番茄鮮魚湯去飲，所以一㸃也不凍。但係今次釣况極差！不過R我真的要讚吓佢，最初是我教她用磯竿以手持式打沉底，之後才教她浮游磯釣，因此，她的沉底誘釣技術是很好的，但想不到現在她的沉底誘釣技術比我發揮得更好，在今次海裡幾乎全無生命跡象的情況下，我就只中一條雞泡，而R竟然在咁艱難的環境下，都中到幾囗魚，真的要寫個服字給她了！