2018年11月29日 星期四

R小姐磯釣後的感想 20181124 Video


R小姐中條合格的黑沙鱲20181124 Video

學習磯釣一段時間的R小姐,用心努力練習之下,終於中得一條合格的黑沙鱲,可喜也!



2018年11月24日 星期六

磯釣人人有魚中20181124

今日三劍俠去磯釣,趁住大流釣返兩手,全日4、5級風,找了個避風位作釣,表弟在碼頭已急不及待去公廁開粉,去到釣場他已立即開竿,我就例牌要開兩兜餌,所以遲了很多才作釣,雖然表弟釣先,但第一個中魚竟然是R小姐,她高興極了,她練習磯釣已一段日子,知識與技術也有提升,但就係未中過目標魚,今次真的發威中了條黑沙鱲了,而且她說這條黑沙鱲是釣咁多條之中拉力最强,解晒毒。前後不到5分鐘,表弟又中條石蚌,至於我就中埋D魚仔,直到打晒我兜餌都係一海魚仔冇料到,之後我齋用釣餌作釣,釣釣吓冇晒魚仔化餌,機會來了,立即投下釣組到我之前狂打過粉的位置,不到10秒立刻飛波拉竿,我唔抽竿都唔係人啦,嘩!拉力非常强勁,令我全日的霉氣盡消,玩了片刻,條魚上水,是條靚仔連尖來的,爽死了!之後不久又中黑沙鱲又是拉力十足,最後再中多條連尖便冇晒釣餌了,但今日已十分滿足吧!













2018年11月20日 星期二

全無流水,一潭死水20181120

今日下午有空檔,同R去咗Hea釣幾粒鐘,玩浮波不打餌。由於唔知D內地人有冇逼爆東涌,所以R煲了冬茹瑤柱滑雞粥做午餐,我哋唔使同人逼去食野。去到釣㸃食完野便開竿作釣,一飛個釣組落水,發覺全無流水,有如一潭死水,釣到應該水漲之時,竟然D流一D都冇郁過,最後我只中老坑及油立各一條,R只中條黑沙BB。






2018年11月14日 星期三

Daiwa救生衣20181114

我的Daiwa救生衣出廠已6年了,而且舊款物料很厚,穿起上來又熱又臃腫,應該係時候換過件,行晒佐敦D釣具店,最後去咗世界找到件啱心水嘅Daiwa老救,而且佢哋又做緊特價,重有5倍積分當錢使。呢件老救設計輕巧,物料夠薄,釣魚時行動方便很多,而且冇咁熱,於是我就掃埋佢最後一件,等釣魚着新野先!


2018年11月13日 星期二

精口黑沙大鬥法20181113

上次磯釣R話唔夠喉,話要今次再去解毒,R知我肯陪佢,特登用鮮魚湯底煲了瑤柱海鮮粥給我做早餐,味道果然鮮味無比,多謝R!去到開竿第一投,我先中條唱歌婆,之後咩魚都有D,全日所有魚都好精口,特別是條黑沙鱲,先來輕輕啄兩吓,之後成分鐘都冇反應,我就把條蟲扮逃走地拉郁兩三尺,跟住佢又啄兩吓便停了,我又再拉,如是者玩了四五次,第六次條鱲先拉竿頭,我立即抽竿,中了!條鱲中伏後瘋狂拉竿,猛烈游走,手感非常良好,玩到夠皮便起佢上嚟,滿足晒。而R都有幾條魚中吓,今次都叫做解到毒吧!








2018年11月11日 星期日

鵝媚洲執垃圾的釣魚人20181111 Video

祝亂掉垃圾的釣魚人一世釣垃圾,所有釣具被大浪捲走!


鵝媚洲磯釣20181111

今日同R與表弟去磯釣,天氣温度及潮水都唔錯,但就你冇大魚,越釣得耐魚仔越多,全日中得最多就係石狗,走人時艇家話連續兩星期都有鱲釣,今個禮拜唔知游晒去邊度!你地唔好彩吧!唯有怪我自己同D鱲冇緣啦。









2018年11月10日 星期六

Daiwa Master Edition Z 競技磯釣絲20181110

見年尾將近,自己張世界會員咭還有積分,於是走去老銅世界買野用埋D分去。初時冇咩心水,之後見到餅新出Daiwa競技磯釣絲幾吸引,就用D積分補錢買餅來試吓先。



2018年11月7日 星期三

Daiwa魚尺貼紙20181107

諗住今次帶個新冰箱去釣魚想整靚D去開光,所以早排行晒成個佐敦D釣具店,但冇一間有Daiwa嘅冰箱魚尺貼紙賣。好彩最近去海磯舍竟然有Daiwa魚尺貼紙賣,真係天開眼,臨到出磯最後幾日買到,正!


HIRO高比重鱲粉20181107

上星期去了漁家,想買丸九朱古力粉,但冇晒貨,好彩見到有HIRO粉,買了兩包高比重鱲粉,33蚊2.2kg一包,比起我原先買粉預算慳2倍價錢,抵買!就等今週放假出磯試吓D粉嘅效果啦。



2018年11月4日 星期日

hea釣中絲鱲20181104

今日同R與表弟hea釣一個上午,9點到達釣㸃已見到有師兄釣緊,好彩今次不是很多人釣,總算找到位分給3個人釣,玩咗1粒鐘,在沒有魚訊下被瘋狂化餌,之後終於上到條泥鯭,先知原來係呢班契弟玩野化晒我D餌,跟住再釣終於感受到魚訊,但食得好輕口,啄兩三吓便停咗,再等成分鐘先再啄幾吓,如是者玩咗幾分鐘,最後先稍為拉吓竿頭,呢個時候唔再畀面佢了,用力抽竿,中了!條魚拉力唔錯,玩咗一陣便起佢上來,原來是條絲鱲,唔錯。不久R也中多一條,而表弟就龜咗,之後化晒魚餌,時間接近下午一㸃,hea釣完畢,收野去食飯了。