2018年9月30日 星期日

釣魚人生第2次中瀨尿蝦!20180930 Video


西水白鱲仔20180930

今日玩打粉,又學人玩玩拍片,攞齊camera及腳架,㸃知一開波就出事,因我帶咗廿幾年前的陳年腳架去用,諗住都殘晒,唔使𡃶住來用,但㸃知真係殘得濟,一用就甩咗粒上實相機的螺絲出來,重跌埋入石窿,死得!我只好在腳架其他位置取出近似的螺絲去頂檔,緊緊上到幾吓,但上唔實,成日因重量不均而自轉,搞到拍埋D唔正確的畫面!好難得先影到些少重㸃影片,遲少少我便放條片show畀大家睇吓我釣到D乜野趣怪生物。



2018年9月25日 星期二

中秋過後牛屎一大條20180925

昨晚過節夜瞓,今朝半夢半醒去解毒,是日帶咗一兩蟲及假餌去釣,用青蟲一開釣沒有半㸃魚訊,過了成粒鐘浮波先郁吓,但只是魚毛搞搞震吧,初時釣三竿水,之後越釣越埋,玩到竿半水,有返D大魚訊,但勾咗幾次石,子線越玩越短,但我覺得勾石斷線再綁鈎的釣棚是最Fit的,釣了一陣,浮波慢沉,跟手抽竿,發覺支竿定格彎晒,頂你!唔通又勾石?大力抽多吓,支竿終於識震了,真係中魚啊!條魚衝了幾吓,玩了一陣被我玩謝了,收埋佢上來入冰箱。之後中多幾條魚仔,一兩蟲用晒,但沒有用假餌磨爛蓆便走人了。回家晚上清蒸咗條魚,㗳落真係超嫩滑,老豆阿媽都話頂瓜瓜!



2018年9月20日 星期四

浮游磯釣拖假餌20180920

打完風去解毒,買1兩蟲去hea釣,今次是玩浮波但冇打粉,一飛個釣組落海,浮波即有反應,但個波上上落落便知唔係好野,不久便中條泥鯭上來,始知原來是泥鯭化餌,之後不停飛個釣組去尋找新目標,好彩也中到牙㸃同黑沙這些目標魚,但也只是魚仔吧,全部把牠回歸大海。帶去D蟲化晒了。新玩意出場,那就是我的新玩法,浮游磯釣拖假餌,我地用一隻假蝦"古"飛落去試釣,反應又幾好喎,魚訊不斷,但最估唔到的是諗住假餌可防止小魚化餌,但竟然連假餌都咬爛!由於今次只是hea釣,沒諗住磨爛蓆,所以走人去食tea吧了!留待下次再玩呢個新玩法。






2018年9月10日 星期一

偷釣兩粒鐘20180910

之前釣剩兩幾蟲,今次一於偷釣兩粒鐘玩埋佢。少少時間少少魚,成正比的釣果!





2018年9月9日 星期日

表弟中番條合格黑沙鱲!20180909

重諗住今日天陰有雨,同R及表弟去解毒,㸃知就出猛太陽,曬到成個矇面超人咁!今日我中得兩條魚,影相只影條魚就算,R臨收工前一粒鐘係咁起魚,算係食番個尾糊,而表弟今次好有興致玩打粉,皇天不負有心人,又畀佢中番條合格黑沙鱲。







2018年9月7日 星期五

二十年前到塔門露營釣魚加影相!

二十年前到塔門露營釣魚加影相,那時這裏還是少有遊客到此地方,對我們玩這活動的人真是天堂一樣,最記得每當上岸便有隻唐狗小黑前來接船,跟住牠像知我們去邊的帶着路與我們玩着地跑去目的地,直到我們到達才離開。由於那時我們冇用冰箱的習慣,只會帶爐具煲水沖杯麵吧了,至於魚餌頭一日用帶去的青蟲,第二日便拾石螺來釣了。基本上,這裏不適合打沉底,但當時我們只識如此,所以勾石斷線成了例牌的事,這樣當然釣不了多魚啦,但我們就是樂在其中,可能我們的目的並不只志在中魚,而是享受擁抱大自然的感覺!直到現在,到處也是遊客,想找個清靜的地方擁抱大自然也很難了!





2018年9月4日 星期二

把握時機都中到D魚玩吓!20180904

今次同R去試支Daiwa 小繼磯2-270,睇佢竿仔幼幼,但又幾好力,而且都幾敏感,手感唔錯。今次是玩死流,一早去到水流退盡返漲,把握時機都中到D魚玩吓,釣到下午走人去找個靚位享用R整畀我食的午餐,滿足晒!










2018年9月3日 星期一

那些年黃腳多得很!20180903

剛剛睇返D歷史相分析釣況,見到機場未起大橋時D黃腳多的是,那時我在這裏釣魚從不打誘餌,只帶半舊南極蝦磚一邊溶雪一邊釣,加埋支鱲竿、B浮波及1號子線,咁就解晒毒。