發表文章

目前顯示的是 八月, 2018的文章

田中釣心先生傳授磯釣入門教學Video

圖片
這是香港的研釣集的陳嘉俊先生出版的VCD,接近20年前的經典磯釣入門教學,由"田中釣心"先生(釣研浮波老闆)傳授給大家。


石鯛模型20180829

圖片
今晚經過Sea Hunter見到有隻石鯛模型放咗喺度,立即買回家與我現有的黑鯛做個左右門神旺一旺佢先!




擸晒架生冇料到20180827

圖片
上次R單拖偷釣冇帶撈箕,眼白白睇住條大斑走甩咗,今次叫埋我呢個漁僮擸晒架生去幫拖,但可惜好境不見了,她只中兩條魚毛,相都冇影便飛番落海,反而我呢個漁僮重有D魚仔玩吓!特別多謝R煮咗D美食慰勞我,有釣回來的海魚煲魚湯加橋麥麵,冰震牛丸及菜心。大滿足!






Daiwa IMPULT LBD 絞售價超平!20180826

圖片
今日行灣仔老聯,見到佢隻新款Daiwa IMPULT LBD 絞,售價超平,呢個絞原價$51,000日元,現在以低過6折發售,真係㸃可以唔買番隻呀!R小姐就醒目,1個月前已知佢有筍價貨出售,家吓輪到我掃番隻,好彩還未畀人掃晒!



新竿開到光!20180819

圖片
下午好天去咗解毒,順便試吓支新買嘅飛竜,食埋野去到開釣都4㸃鐘,雖然今日係死流,但流速也是很快,要釣到差不多走人前半粒鐘先定番,今次雖然沒打粉,但仍然被很多尾指釘公及老泥圍攻,好難先中條似樣嘅火點,算係新竿開到光吧!






Gamakatsu長袖吸汗快乾衫褲20180818

圖片
今日行佐敦,經過漁家見佢成個舖面貼滿特價Post,入去看看咩料!又真係有D貨品減到好平喎,摷吓摷吓又畀我見到套舊款Gamakatsu長袖吸汗快乾衫褲以半價有多出售,個款又幾靚仔,最緊要有我碼數而又衫褲都啱我着先正吖嘛,於是拿拿淋同R每人掃一套,以三百幾蚊呢個價,買件GAMA防曬衫都冇可能吧。現在可以買成套,我覺得真係超值!




Olympus TG-5 全天候相機!20180817

圖片
陪住我釣魚多年上山下海日曬雨淋的Olympus TG-2全天候相機終於壞咗,現在換來第五代的TG-5,解像度雖然沒有提升,但ISO及影像質素就提升了很多,而且還有4K拍片及超微距影像拍攝,夠晒我用嘅要求,我綜合所有牌子嘅全天候相機的評分,TG-5係最掂的,所以再一次買回Olympus呢個牌子。


今次真係買到平野!20180812

圖片
十幾年冇買過鱲竿了,週日行世界見到有支舊版飛竜賣特價,發覺佢個Spec.還比2018年新版飛竜還要好,新版Spec.有嘅舊版都有。舊版有斜"街",而絞座又與支竿一體化,新版反而down grade咗沒有了,正價還比舊版貴,上網看看,原來日本網購舊版飛竜早已賣清光,見佢咁吸引,於是同R每人掃一支,本來想買銀狼鱲竿,現在只用三、四成價錢買到支啱用嘅竿,又慳番唔少錢了!






一人一兩蟲去hea釣20180804

圖片
今日下午同R一人一兩蟲去hea釣,魚訊比想像中少,4㸃去到R首先中魚,之後一路都好靜,等到天都暗晒才給我中番D魚,釣到8㸃鐘冇晒餌而且天都黑齊,於是走人去食飯,總括今次hea釣成積算係不過不失啦,算有D魚玩吓吧。






我的金古夢又燃燒了!

圖片
自從2014年尾中過金古之後,大橋工程跟住擴大,一直都釣唔番佢,直至近排才知道有師兄喺呢度釣到金古,我的金古夢又燃燒了!


去番赤柱hea釣20180801

圖片
今日放假,喺雪櫃攞咗六日前買的半死青蟲去釣埋佢,今次又係去番赤柱hea釣,一早去到魚訊幾多,都有D魚中吓,但不久離遠見到烏雲密佈順風吹埋來,跟住就落大雨了,等咗大半粒鐘後停雨,立即再釣,中多一條連米後便全無魚訊,過了一粒鐘後見D蟲瓜晒溶埋一篤,勾都勾唔到,廢事磨爛蓆了,走人去食Tea吧!