發表文章

目前顯示的是 七月, 2018的文章

去赤柱釣番一粒鐘20180729

圖片
昨天R走魚唔忿氣,今日典晒地話要再去釣過,於是同佢講了一輪數,我就准佢輕便裝去赤柱釣番一粒鐘啦,跟住去行街食野,是次我沒釣魚,只做漁僮服待R,喺呢個鐘之內R中了4條魚,size都唔錯,而且手感非常好,總算為R解了一時之毒,我都鬆一囗氣,唔使佢賴死唔走吧!




泥鯭球化餌速度快到冇野講20180728

圖片
見天文台話週六好天,所以去了機場玩打粉,㸃知呢日過份好天,一早出猛太陽熱到成三十幾度,真係熱到人都癲!去到打水開餌搞埋R嗰份共兩兜餌,開完已出晒大汗,由頭濕到落背脊,飲水休息了一陣便開始開竿釣魚,初時流水剛漲盡,水流不快幾好釣,R就在此時便中魚,是條幾好Size的火㸃來,但可惜我準備拿撈箕去幫手時,條魚就甩咀走了,連相都未影便回歸大海,慘慘!之後水開始大退,變了飛機流,浮波像開了Turbo的飛倒去,更壞的情況係打粉引來成海泥鯭,D泥鯭球化餌速度快到冇野講,如是者不停化餌,㸃様近打遠釣都是冇用,最終打清晒粉釣清晒餌,完成餵魚動作,快快收野返市區雪冷氣降温,走人時表弟畀咗條碟頭火㸃我攞,佢話入扣太深,解死咗條魚放唔到,咁就唔好浪費了!回到家我有D頭痛,可能曬得太勁吧,雪了一晚冷氣總算好返了。











South Africa 19950623a-292

圖片

國際攝影大師Michael Freeman都like我影D相呀!20180725

圖片
竟然連國際攝影大師Michael Freeman都like我影D相呀! 好榮幸,超開心呀!


South Africa 19950623a-340

圖片

South Africa 19950623a-257

圖片

South Africa 19950623a-255

圖片

South Africa 19950623a-233

圖片

South Africa 19950623a-230

圖片

South Africa 19950623a-227

圖片

South Africa 19950623a-214

圖片

South Africa 19950623a-213

圖片

South Africa 19950623a-208

圖片

South Africa 19950623a-206

圖片

South Africa 19950623a-188

圖片

South Africa 19950623a-178

圖片

South Africa 19950623a-166

圖片

South Africa 19950623a-145

圖片

South Africa 19950623a-069

圖片

South Africa 19950623a-068

圖片

South Africa 19950623a-008

圖片

South Africa 19950623a-007

圖片

South Africa 19950623a-006

圖片

South Africa 19950623a-002

圖片

South Africa 19950623a-001

圖片

今晚行佐敦買到好野20180724

圖片
今晚行佐敦經過新華,見到有隻harimitsu出魚鈎,重要有眼嘅鱲鈎,而且重係made in 老蓆添,見佢價錢平平地又有50隻,就入番兩個號數試試佢啦!之後去咗魚濃社,又見到D新到嘅Sunline線結,老闆話好好綁,十零蚊還有8折,又買餅用吓先。我又問老闆之前又話有人寄賣松田稔D浮波嘅?佢話一早畀人掃晒啦,我表弟本來想買的,但今次真係執輸行頭了!



R穿條連身裙來釣魚,邪一邪佢所以咁好魚!20180722

圖片
上幾個週日都唔好天,難得今日超好天,梗係叫埋R與表弟去解毒啦!本來諗住今日死流,魚訊應該會弱D,兼且又有幾班人喺度玩浮潛,都可能影響魚穫,但結果又出奇哋好魚喎,真係世事無絕對!唔知係咪R今日騎呢地穿條連身裙來釣魚,邪一邪佢所以咁好魚。哈哈!














鱲魚爆釣到要放生!

圖片
某年某月某釣㸃,我同表弟與一位新手老友去磯釣,由於我荼毒老友時間不長,我到場後都不能開竿住,要不斷教授老友磯釣知識,由開竿開誘餌,到生態及大自然認識,都希望他初步能了解清楚。至於表弟當然同我講關人屁事,第一時間釣魚至緊要,初時還沒有魚訊,過了粒幾鐘後起流,D魚就開囗,但很不幸,表弟鑊鑊中親魚都過石斷絲,我同佢講,鬼咩~淨係掛住釣又唔度水,㸃可以咁架!那時我剛開好竿,我就照常周圍度水,度好晒水後就發現對出竿半水有個水底暗礁喺度**,打幾匙羹誘餌再飛口餌落水,立即中魚過石,原來D魚朵晒在我正前方暗礁背面,所以一中再拉就過石,我同我表弟講,D誘餌唔好再打這處,我哋集中火力跟住D流打過左邊十零尺,令D魚離開暗礁追過來食吧。不久果然見效,中條黑沙鱲冇走雞,之後不停係咁起魚,看見對出有艇家在呔魚但呔唔到,望住我哋不停起魚,非常無耐,之後直情冇眼睇,開船走人!其實佢哋唔走我就有魚益佢,但既然走咗,我哋又食唔得咁多,就放生一半魚穫落海,叫做取放有道吧! **度水的方法(我會以自己作中心㸃,用一個紙扇狀的形式用魚竿吊放鉛粒向出試底,當你由近至遠度水時,理應愈度愈深的,但如果明明近位20尺,而再出竟然得番十幾尺,那便要小心了,一定要再試出D,如果試到突然又深番,那通常都是海底有礁石吧!但如果一路變化不大,這只是海底有不平均的高低了,而並非有礁石。)




大戰泥鯭哥

圖片
有緣遇見經已長大的老朋友,身體的寒意立即被一團火燒得無影無踪了。急不及待便把魚鉤釣餌放到海裡去,不斷分析形勢加以操控,期待對拼快點來臨,但一次又一次得來的結果是吃了大餐不付款的對待!魚鉤已是為它的櫻桃小口而設,釣線已是0.8號的絲線,還不合心意嗎?「別再欺人太甚了... ..」!也許忘記了它已是荒野長大了的大傢伙,那會像碼頭公廁下的海底小混混這麼愚笨被你勾中麼!?我的小蝦釣餌一隻又一隻的消失去了,“荒島麵粉店”還仍未開張,使不出對付這傢伙的絕招啊!莫非就要在此地敗它一仗?不是吧!心中一憤,洩忿地把口中的香口膠作魚餌釣下去,「吃吧......吃死去吧」!
正在思索如何克服這劣勢之際,向前一望,什麼?我的浮波鑽進海裡不見了!立刻把手中魚竿一揮,中了!迅雷之間比拼已展開了,它的拼勁令人意想不到是那麼強 ,整支魚竿被帶得彎入海裡!而且不斷以橫縱斜直不同的方向發難,力度之猛,一時令我難以處優,受制於0.8釣線的極限,只有不斷出絲來遷就這位口味奇特的傢伙!面前雖是腳能踩下的數尺淺水,那有幾人察覺再去便是突變的海底深淵!
魚在拼,人在讓,其走動方式似是要利用深崖直角的暗礁優勢把你擊倒,很聰明的傢伙啊!迫得我要再踏前兩步才能作戰下去,可是之後再踏無可踏了!立於海底懸崖的邊沿,形勢看來更加不妙,但極端的形勢總是有破綻,就是站在於此,過石斷絲機會大減了,立刻地作出主動的迎擊,把魚竿以不同斜角度往左右揮動,形成無定向方位抽擊。「好傢伙,如何吧?你的招數我亦有得出賣啊!還比你使得更強吧!你的能耐我早已看穿了,你老是把對手的力量來源以逆方向對抗,再加以地勢變化作出掩護迎擊。現在我就要還給你享 受吧!迷失作戰方向的覺感好嗎?你輸定了」!惡鬥一輪,它的體力終於被我消耗了,幸好它的鋒牙利齒還未接觸到魚絲,否則只有斷線下場!終於上水面了,安全落入網中,30CM的泥鯭的確是不可小觀的傢伙!亦給了我一個非常愉快的比拼!
泥鯭萬歲......!



16年前反走私火拼中釣魚

圖片
當年在獨牛洲中魚拍照,亦把大陸的走私快艇入埋鏡,可想而知當時大陸與香港的走私問題幾咁猖狂。這次都幾驚險吧,有班走私天文台上了我們那裏睇水,期間他們一言不發在我背後望住我釣魚,我心諗他們會不會身上有槍,真係好大壓力,但他們又沒有作出甚麼行動,我只好扮專心地釣魚,不久之後,他們突然全部走上山頂大大聲講對講機,原來大陸有個反走私部隊帶着機槍來捉人,山上的天文台不停大聲地向走私同黨報告部隊位置,而之後又聽到鎗聲,真的子彈不要亂飛啊!情況非常混亂,他們搏火了十分鐘左右,部隊追住那些走私快艇返回去大陸,跟住那些天文台亦乘機坐艇走人!那次釣行真的是歷險記。