泥鯭孫同池仔毛20180630
今日再去筏釣半天，全部都係泥鯭孫同池仔毛，相都冇影到就掉返落海，只係見到人哋有兩次起魚，一條係紅衫魚，另一條大約30cm的金頭鯛。基本上釣況都係好靜，釣到冇乜癮，廢事磨爛蓆了，早D出返市區食個下午茶，然後回家雪吓冷氣好過！
R小姐又中斑，我就狂中沙鑽！20190728
今日同家姐、表弟及R小姐去解毒，搭車途中下大雨，好彩去到釣㸃停雨，快快脆開竿釣返轉先，今次釣況都唔錯，D沙鑽回歸了，近期最lucky係R，幾日前先中兩條斑，今日又中一條，真係旺到你唔信，我就狂中沙鑽，釣到中午轉流，魚影都冇晒，見到個天勁黑，暴雨快要殺到來，拿拿淋收野走人啦，不久真係殺到來，好彩收得快，搭車出返市區又變番藍天白雲，全日天公造美，時間啱啱好吧！
留言
張貼留言