2018年12月30日 星期日

高橋哲也 - 天狗浮子釣黑毛20181230 Video

高橋哲也年青時搞的哲也俱樂部,連同他的會員去釣黑毛!



2018年12月29日 星期六

2018年精選開心記錄照20181229

2018年快將完結,又係時候盤點今年釣況,今年主要以舒服hea釣為主,所以魚穫不是很突出,但都叫做有D魚玩吓,今次選出幾張是新郵票或新紀錄魚,但都有D是令我玩得開心的記錄照片。








2018年12月25日 星期二

2人加埋先中得幾囗20181225

聖誕同R去解毒,但好疏囗,D魚唔太開囗,只是其中一口魚訊是大魚吧,頭一吓試餌,等了一陣又來,收兩手絲,再大口食埋來,成支竿向海勁彎,立即抽佢一吓,但可惜勾不中嘴,走了!全日2人加埋又係先中得幾囗,泥鯭唔啱食,放埋。之後返市區食tea!




2018年12月16日 星期日

D魚完全唔開口20181216

兩星期冇解毒,今日就去釣返鑊,可惜比上次更難釣,D魚完全唔開口,全日同R加埋先中得幾囗,但叫做唔使龜吧!




2018年12月9日 星期日

望海的日子20181209

今日雖然冇釣魚,但輸人唔輸陣,去玩都要似番個釣魚人望吓個海先似樣!


2018年12月8日 星期六

古大俠的刻名解勾器終於到手20181208

使用方法:
首先把魚穫帶到安全地方,跟住把解勾器頭部的斜坑套進魚絲去,然後在柄後一手拉緊魚囗中的魚絲,一手把解勾器頭部順勢滑進魚囗內,直到頂到魚勾保持"隊"實,由於魚勾滑入解勾器頭部要kick實內坑,所以叧一隻手要保持拉緊魚絲,這時條魚應該是凌空抽起了,最後雙手固定地一上一落快速chok一吓,條魚便會甩咗出來了。以上動作幾秒至十秒完成,新手可能要用多D來練習吧!如果熟練可以單手解勾,另一隻手可拿住條魚。




2018年12月7日 星期五

Shimano鱗海盃賽前交流會20181207

今晚高橋哲也又來港會一會釣友,見夜晚有空我又去探吓高橋同佢拍吓照,回家看返十數年前與他D舊合照,對比現在的樣子真的暴露了釣魚人日曬雨淋的練歴,令我忽發奇想,如果釣具品牌出埋防曬護膚品,可能都有得做吧!




2018年12月4日 星期二

偷釣幾粒鐘20181204

R話明天打後成個禮拜都下雨,重要凍到十零度,想釣魚都有難度,於是今日同佢偷釣幾粒鐘解定毒先,不過今次魚穫麻麻,但叫做唔使龜吧。今朝上船R整咗蝦醬芥籣配煎雞扒、節瓜章魚湯做早餐,多謝R!






2018年12月2日 星期日

死流同R去hea釣20181202

今日死流同R去hea釣,全日我只中條八爪魚及一條連米,而R就好我好多,有石鬚、牛鰍、連米及沙鑽。是日中午飲R煲的牛肋條籮蔔湯。






2018年11月24日 星期六

磯釣人人有魚中20181124

今日三劍俠去磯釣,趁住大流釣返兩手,全日4、5級風,找了個避風位作釣,表弟在碼頭已急不及待去公廁開粉,去到釣場他已立即開竿,我就例牌要開兩兜餌,所以遲了很多才作釣,雖然表弟釣先,但第一個中魚竟然是R小姐,她高興極了,她練習磯釣已一段日子,知識與技術也有提升,但就係未中過目標魚,今次真的發威中了條黑沙鱲了,而且她說這條黑沙鱲是釣咁多條之中拉力最强,解晒毒。前後不到5分鐘,表弟又中條石蚌,至於我就中埋D魚仔,直到打晒我兜餌都係一海魚仔冇料到,之後我齋用釣餌作釣,釣釣吓冇晒魚仔化餌,機會來了,立即投下釣組到我之前狂打過粉的位置,不到10秒立刻飛波拉竿,我唔抽竿都唔係人啦,嘩!拉力非常强勁,令我全日的霉氣盡消,玩了片刻,條魚上水,是條靚仔連尖來的,爽死了!之後不久又中黑沙鱲又是拉力十足,最後再中多條連尖便冇晒釣餌了,但今日已十分滿足吧!













2018年11月20日 星期二

全無流水,一潭死水20181120

今日下午有空檔,同R去咗Hea釣幾粒鐘,玩浮波不打餌。由於唔知D內地人有冇逼爆東涌,所以R煲了冬茹瑤柱滑雞粥做午餐,我哋唔使同人逼去食野。去到釣㸃食完野便開竿作釣,一飛個釣組落水,發覺全無流水,有如一潭死水,釣到應該水漲之時,竟然D流一D都冇郁過,最後我只中老坑及油立各一條,R只中條黑沙BB。






2018年11月14日 星期三

Daiwa救生衣20181114

我的Daiwa救生衣出廠已6年了,而且舊款物料很厚,穿起上來又熱又臃腫,應該係時候換過件,行晒佐敦D釣具店,最後去咗世界找到件啱心水嘅Daiwa老救,而且佢哋又做緊特價,重有5倍積分當錢使。呢件老救設計輕巧,物料夠薄,釣魚時行動方便很多,而且冇咁熱,於是我就掃埋佢最後一件,等釣魚着新野先!


2018年11月13日 星期二

精口黑沙大鬥法20181113

上次磯釣R話唔夠喉,話要今次再去解毒,R知我肯陪佢,特登用鮮魚湯底煲了瑤柱海鮮粥給我做早餐,味道果然鮮味無比,多謝R!去到開竿第一投,我先中條唱歌婆,之後咩魚都有D,全日所有魚都好精口,特別是條黑沙鱲,先來輕輕啄兩吓,之後成分鐘都冇反應,我就把條蟲扮逃走地拉郁兩三尺,跟住佢又啄兩吓便停了,我又再拉,如是者玩了四五次,第六次條鱲先拉竿頭,我立即抽竿,中了!條鱲中伏後瘋狂拉竿,猛烈游走,手感非常良好,玩到夠皮便起佢上嚟,滿足晒。而R都有幾條魚中吓,今次都叫做解到毒吧!