收野前都破龜20170611

天氣勁熱，想磯堤釣都頂唔順，於是去咗漁排筏釣，今次試吓用一兩生虾來試釣，看看是否正Ｄ，但今日釣況不好，成日只見到一個師兄中條金鼓，我Ｄ生虾就係咁畀Ｄ魚仔化咗，成朝都中唔到魚，收皮前半粒鐘，硬要找條魚仔發吓市，cut咗一忽仔虾肉轉埋細鈎，總算中番條石剎破龜，跟手就收野走，R小姐又係諗住龜硬，但最後一竿又中番條池仔，收野前都破龜，以今日咁嘅天氣，真係Hea釣來解吓毒就沒所謂，想造世界就要入黑了！




留言

張貼留言

這個網誌中的熱門文章

泥鯭球化餌速度快到冇野講20180728

圖片
見天文台話週六好天，所以去了機場玩打粉，㸃知呢日過份好天，一早出猛太陽熱到成三十幾度，真係熱到人都癲！去到打水開餌搞埋R嗰份共兩兜餌，開完已出晒大汗，由頭濕到落背脊，飲水休息了一陣便開始開竿釣魚，初時流水剛漲盡，水流不快幾好釣，R就在此時便中魚，是條幾好Size的火㸃來，但可惜我準備拿撈箕去幫手時，條魚就甩咀走了，連相都未影便回歸大海，慘慘！之後水開始大退，變了飛機流，浮波像開了Turbo的飛倒去，更壞的情況係打粉引來成海泥鯭，D泥鯭球化餌速度快到冇野講，如是者不停化餌，㸃様近打遠釣都是冇用，最終打清晒粉釣清晒餌，完成餵魚動作，快快收野返市區雪冷氣降温，走人時表弟畀咗條碟頭火㸃我攞，佢話入扣太深，解死咗條魚放唔到，咁就唔好浪費了！回到家我有D頭痛，可能曬得太勁吧，雪了一晚冷氣總算好返了。











閱讀完整內容

解毒留低咗支竿在巴士站頭20190811

圖片
今日4人去解毒，巴士臨開前剛剛到齊人，趕上巴士時我留低咗支竿在站頭，去到目的地才發覺冇帶，立即致電返總站求助。好彩有好心人交了支竿給站長，站長叫我即日去攞返就OK！我話黃昏來攞，夾好時間便收線準備去做漁童看人釣魚，好彩R都有借佢支竿畀我釣返兩手，起了3條魚。到了中午水退盡，沒有魚訊，磨到3㸃走人返市區食tea，跟着去巴士總站攞返支竿，我在此祝福那個好心人身體健康、永遠幸福快樂！




閱讀完整內容

話過以後唔買K牌魚勾20190720

圖片
今朝一早同R去解毒，R煲咗個竹笙雞絲粟米羹畀我做早餐，非常美味，多謝晒！去到時就下着雨，等到停雨再去釣㸃吧！到了開竿，流水漲緊，把握時機用心釣一番，不久R已中了幾條，但我仍然苦戰中，明明不下數次魚訊清晰地把我魚竿拉下去，但每次抽竿都走魚，之後發覺問題在我D新勾度，我穿蟲時魚勾穿極都穿不入，D勾意想不到咁鈍，唔怪得抽極竿都中唔到魚啦？！話過以後唔買呢隻K牌魚勾。之後換了其他牌子但細一號的勾，立即中番幾條沙鱲頂吓癮，舒服晒！玩到12㸃左右大雨殺到來，而且重係咁行雷，就算心口有個勇字都要避之則吉，唯有提早走去茶餐廳食個Lunch，然後歸家去了！





閱讀完整內容