發表文章

目前顯示的是 六月, 2017的文章

R小姐生日去解毒20170625

圖片
今日R小姐生日,但釣魚大過天,興祝都要提早一日,正日走去解毒,今次唔玩浮波轉打沉底,R用支新竿在生日去開光,是日初二大流,一早去到水已漲了八九成,拿拿淋開竿釣啦,呢次魚穫中亭,但拉力强勁手感一流,算係過足手癮吧,其中中了條黑沙,上水一看,原來是獨眼龍來的,唔怪得睇都唔睇,食得咁爽啦,真係正式冇眼睇!而R都有D成績,生日用新竿果然有得開光!






收野前都破龜20170611

圖片
天氣勁熱,想磯堤釣都頂唔順,於是去咗漁排筏釣,今次試吓用一兩生虾來試釣,看看是否正D,但今日釣況不好,成日只見到一個師兄中條金鼓,我D生虾就係咁畀D魚仔化咗,成朝都中唔到魚,收皮前半粒鐘,硬要找條魚仔發吓市,cut咗一忽仔虾肉轉埋細鈎,總算中番條石剎破龜,跟手就收野走,R小姐又係諗住龜硬,但最後一竿又中番條池仔,收野前都破龜,以今日咁嘅天氣,真係Hea釣來解吓毒就沒所謂,想造世界就要入黑了!