發表文章

目前顯示的是 五月, 2017的文章

端午三人去呔魚20170530

圖片
今日端午三人去老地方釣個龍舟日水,這裏冇魚咗好多個月了,今次都係碰吓運氣,好彩應吓節都有D魚呔吓,是次D魚嘅力量返晒來,魚仔細細拉力强橫,真係過足手癮,走人時都有十零條三鬚及連米拿返屋企食吓。



有D沙鱲仔及連米釣吓20170528

圖片
上次R中了兩條腳板絲鱲,今次初三再釣,水流好急,15g鉛都推走,不過都有D沙鱲仔及連米釣吓,兩個人三兩蟲,3粒鐘就化晒,之後收野去食飯。




R小姐中了兩條腳板絲鱲20170521

圖片
落雨都同R小姐去呔魚,諗住都係hea釣吧,但R又咁好運中了兩條腳板絲鱲,現在六㸃還釣緊,看看剩番兩條虫還有冇得中!不過已經夠一餐餸了。




買件Sunline防曬快乾衫20170515

圖片
夜晚同表弟行佐敦釣具舖,在魚濃社見到件Sunline防曬快乾衫,初時見佢黑色在夏天可能好吸熱,但老板娘畀我著上身試,感覺又十分通爽,而且我平時穿XL碼,呢件日本3L碼我竟然啱著,照照鏡又幾好睇,最重要佢正價賣5000日元,港幣標價$360,再有8折,計落二百幾蚊又真係減咗價,見其他款式牌子最平都五六舊或以上,一於就拍板買件着吓啦!




R小姐用新竿中石狗20170514

圖片
今日同R小姐搭車未去到釣場就已經落大雨,成個大嶼山都黑晒天,心諗呢鑊實冇得玩!於是坐回頭車返東涌行商場,行晒諗住搭車走,點知出到來藍天白雲,真係估佢唔到。立即再去釣過,但就轉了釣點,今次R同我都用新竿,但呢個地方都係十出九龜,我支竿全無中過魚,R支鱲竿還好,有D石狗中吓,算係開咗光吧!