發表文章

目前顯示的是 四月, 2017的文章

最後在完場中條肥石蚌20170430

圖片
今日再去漁排筏釣,總共12人,去到後分3批,但成個早上都冇料到,不過見有D人偷雞打粉中了兩三斤牛屎,而其他人都有時中吓烏頭、絲鱲,但成場大部份人都打龜,最後在完場前半粒鐘,給我來一口大野,試咗三口餌,第四口一抽即中,力度非常勁,玩咗分零兩分鐘,上水一看,原來是條肥石蚌,唔理野生定係走籠魚,畀我破龜就開心了!




R小姐送了一支磯竿給我20170429

圖片
今日R小姐給我一個驚喜,就係送了一支磯竿給我,她知我喜歡試新野,特別買了一支Blue Fish牌子的韓國磯竿畀我試,呢支型號嘅竿竿性偏軟,但竿腰有力,造工高級,全斜guide,絞座與竿一體化。期待擇個好日去試吓支竿嘅威力!






R小姐中條斑20170423

圖片
今日二人去筏釣,自己帶咗D練餌去釣老泥,在西貢市買多廿蚊死蝦,一早上到漁排R小姐就玩蝦餌,我就用練餌,玩咗唔夠一粒鐘,R就中條斑,這是她的新郵票,開心到瘋了。我就老泥就中唔到,但就係咁中鱲花,望一望人哋,中親都是手板老泥,原來他們是用南極蝦釣的,才知這裡的老泥最愛呢種餌,釣咗幾粒鐘鱲花釣夠了,下午回西貢市Tea一Tea先,輕輕鬆鬆又一day!