2016年11月20日 星期日

R學浮游磯釣後多咗中大魚20161120

今日同R去新釣㸃,呢次是玩浮波,但投到水中發覺水流很快,直情是飛機流,R向我埋怨好難釣,我只好找個另一個位給她嘗試,叫她耐心去解決眼前問題,當釣咗個幾鐘後,突然聽到R大叫,原來中魚了,看見魚竿大彎,我立即拿着撈箕跑過去,火速替她撈起條魚,原來是一條頭鱸,Size都幾唔錯,看見她的神情便知開心又滿足,先前向我的埋怨一掃而空了。立即叫她舉起條魚拍照留念,跟着放入冰箱!



2016年9月25日 星期日

R小姐中大火㸃20160925

R小姐就中大火㸃,我就係咁中喱D騎呢魚,冇天理呀!嗚嗚.........!













2016年8月28日 星期日

大連米20160828m-011 Video


中到條25cm大連米20160828

放親假都落雨,今次終於可以釣番次解解毒,今日魚訊不多,因為多人玩浮潛及挖野,搞到D魚唔埋岸,只是中了幾條絲鱲仔,好彩最後一口餌都中到條25cm大連米,算係攞番個彩啦!





2016年5月6日 星期五

勇戰大牛屎20160506

今日賣甩R小姐表弟去釣魚,趁住水未退晒,拿拿淋俾心機釣番兩手,釣咗約一粒鐘,有大反應了,魚訊直接了當,我從魚竿感應知到大魚非常肚餓,把魚餌直吸進口裡,一㸃試餌也沒有,真的你食得爽時我也釣得爽!唯一怕的是我只用了1號鱲勾,勾不正魚咀吧。條魚發覺中伏後立即發爛,猛烈游走,又不停向下衝,我當時只用了1.25子線,不敢太强硬與牠硬拼,放了幾手絲後再收牠上水,呢條大舊衰,畀我玩咗5、6野就收皮了,但由於牠也有返D份量,在水中唔郁都有很大阻力,搞咗分幾鐘先入到網,呢條大舊衰可能是上次R走甩嗰條,今晚放上網前好彩我都算醒目,預先約定R小姐週日同佢再釣過,如果唔係今晚見到我出post話中魚又冇佢份,實嬲嬲豬都似!